«Qarasora-2021» jedel aldyn alý sharasy aıasynda polıseıler elorda aýmaǵyndaǵy esirtki jáne júıkege áser etetin zattardy satýmen aınalysatyn adamdardy anyqtaý boıynsha jumystar júrgizýde, dep habarlaıdy Egemen.kz Nur-Sultan qalasy polısııa departamentiniń baspasóz qyzmetine silteme jasap.
Kúdiktiniń jaldamaly páterinde psıhotroptyq zattar salynǵan elektrondyq tarazylar, esirtkini býyp-túıýge arnalǵan polıetılen paketteriniń 350 danasy, 255 myń teńge kólemindegi aqsha qarajaty, sondaı-aq satylýǵa daıyn turǵan «sıntetıkalyq» preparattar tabyldy.
«Tárkilengen esirtki dozalar boıynsha ólshenip salynǵan. Nátıjesinde, esirtkiniń bir rettik 90 dozasy tabyldy. Ustalǵan azamat sıntetıkany Nur-Sultan qalasynyń aýmaǵynda satpaq bolǵan», dep atap ótti polısııada.
Atalǵan fakti boıynsha qylmystyq is qozǵaldy.
Jas dıllerge QR Qylmystyq kodeksiniń 297-babynyń 3-bóligi «esirtki zattaryn zańsyz daıyndaý, qaıta óńdeý, satyp alý, saqtaý, tasymaldaý nemese ótkizý» boıynsha aıyp taǵyldy. Bul 15 jylǵa deıingi merzimge bas bostandyǵynan aıyrý men múlkin tárkileý jazasyn kózdeıdi.