71 jastaǵy zeınetkerdi tonaǵan atyraýlyq turǵyn qamaýǵa alyndy, dep habarlaıdy Egemen.kz Polisia.kz saıtyna silteme jasap.
28 shilde kúni saǵat 12:00 shamasynda belgisiz bireý 71 jastaǵy zeınetkerdiń qolynan telefonyn tartyp alyp, oqıǵa ornynan qashyp ketken.
Tártip saqshylary jedel-izdestirý sharalaryn júrgizip, kúdikti azamatty birden qolǵa túsirdi. Ol 29 jastaǵy qala turǵyny bolyp shyqty.
Qazirgi ýaqytta bótenniń múlkin ashyq jymqyrǵan azamatqa qatysty QR QK-niń 191-baby 1-bóligimen sotqa deıingi tergeý amaldary júrgizilýde. Kúdiktiden aıǵaq zat tárkilenip, ýaqytsha ustaý ızolıatoryna qamaýǵa alyndy.