Zań jobasyn Memleket basshysynyń tapsyrmasy boıynsha Ekologııa, geologııa jáne tabıǵı resýrstar mınıstrligi zootehnıkter men qoǵamdyq uıymdarmen birlesip ázirledi, dep jazady Egemen.kz.
Zań jobasynda janýarlarǵa jaýapkershilikpen qaraýdy qalyptastyrýǵa arnalǵan normalar bar.
«Jobany talqylaý kezinde azamattyq sektor men múddeli memlekettik organdardyń pikirine erekshe nazar aýdarylǵanyn atap ótken jón», dep jazady vedomstvonyń baspasóz qyzmeti.
Qazirgi ýaqytta QR Prezıdenti Ákimshiligi, Quqyq qorǵaý jáne basqa da organdar birqatar tolyqtyrýlar men ózgerister engizgennen keıin zań jobasy Úkimettiń qaraýyna jiberildi.
Joba aıasynda QR Ekologııa, geologııa jáne tabıǵı resýrstar vıse-mınıstri Álııa Shalabekova Nur-sultan qalasyndaǵy ıtter men mysyqtarǵa arnalǵan birneshe panajaıǵa bardy. Jumysymen tanysyp, problemalyq máselelerdi talqylady.