Densaýlyq saqtaý mınıstri Alekseı Soı jedel járdem stansııasy Call-ortalyǵynyń jumysymen tanysty. Ortalyqta bir aýysymda 30 dıspetcher jumys isteıdi, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
«Epıdemıologııalyq jaǵdaıdyń nasharlaýyna baılanysty qazirgi ýaqytta jedel járdem qyzmetine kúnine 5000 -ǵa jýyq qońyraý túsedi», deıdi ortalyqtyń bas dárigeri G.Qurmanbekova.
Soǵan qaramastan jedel járdem qyzmetkerleri qarqyndy rejımde jumys isteıdi jáne naýqastarǵa ýaqytynda medısınalyq kómek kórsetedi.
Ortalyqtyń jumys barysymen tanysqannan keıin A.Soı jedel járdem qyzmetkerleriniń jumysyn joǵary baǵalady jáne rızashylyǵyn bildirdi.
Densaýlyq saqtaý mınıstri «Medıker» medısınalyq ortalyǵyna baryp, jumysymen tanysty, ońaltý emin qabyldap jatqan naýqastardyń jaǵdaıyn tekserdi.