QR Saýda jáne ıntegrasııa vıse-mınıstri Qaırat Tórebaev Tatarstan Premer-Mınıstriniń orynbasary, Aýyl sharýashylyǵy jáne azyq-túlik mınıstri Marat Zıabbarovpen ónerkásiptik kooperasııa men agroónerkásiptegi yntymaqtastyqtyń keleshegin talqylady, dep habarlaıdy Egemen.kz Qazaqstan Respýblıkasy Saýda jáne ıntegrasııa mınıstrliginiń baspasóz qyzmetine silteme jasap.
Atap aıtqanda, kooperasııa baǵyttarynyń biri sútti mal sharýashylyǵy salasyndaǵy yntymaqtastyq jáne Qazaqstan aýmaǵynda sútti tereń óńdeý boıynsha birlesken jobalardy iske asyrý bolýy múmkin. Onyń ishinde shekara mańy yntymaqtastyǵynyń halyqaralyq ortalyqtary bazasynda.
Taraptar sondaı-aq Halal jáne organıkalyq ónimderdi óndirý jáne ilgeriletý, sondaı-aq halal/organık ónimderin sertıfıkattaý jáne akkredıtteý júıelerin qurý salasynda tájirıbe almasý jáne birlesken jobalardy iske asyrý múmkindigin talqylady.
– Biz osy baǵytta birlese jumys istep, Halal ónimder boıynsha biryńǵaı standarttaýdy pysyqtaýymyz kerek. Onyń ishinde úshinshi elderdiń naryǵyna shyǵý múmkindigi úshin sáıkestikti taný turǵysynda – dep atap ótti Qaırat Tórebaev.
Sonymen birge, eki el arasyndaǵy saýda-ekonomıkalyq yntymaqtastyqtyń jaı-kúıi jáne eki jaqty taýar aınalymyn arttyrý áleýeti talqylandy. Atap aıtqanda, qazaqstandyq delegasııa Tatarstannyń Aýyl sharýashylyǵy jáne azyq-túlik mınıstrin QR-dan 396,3 mln.dollar somasynda eksport nomenklatýrasyn keńeıtý múmkindigi týraly habardar etti. О́nimder tizbesine túrli salalardaǵy 100-den astam shıkizattyq emes taýarlar kiredi.
– Biz Tatarstanǵa Qazaqstannan tamaq ónerkásibiniń ónimderin, atap aıtqanda: shıki raps maıy, makaron ónimderi, kúrish, qant, kondıterlik ónimder jáne t.b. ákelýdi uıymdastyrýdy ulǵaıtý múmkindigin qarastyrýdy usynamyz. Qazaqstan is júzinde barlyq salalarda yntymaqtastyq múmkindikterin kórip otyr jáne tatarstandyq tutynýshyǵa sapaly taýarlardyń keń spektrin usynýǵa daıyn, – dep habarlady QR Saýda jáne ıntegrasııa vıse-mınıstri.
Taraptar sondaı-aq aýyl sharýashylyǵy kooperasııasyn damytý jáne fermerliktiń saýda jelilerimen tıimdi ózara is-qımylyn qalyptastyrý tájirıbesimen almasty, sondaı-aq áleýmettik mańyzy bar azyq-túlik taýarlaryna baǵalardy turaqtandyrýdyń ózara tájirıbesin talqylady.
Qaırat Tórebaev tatarstandyq áriptesin Ulttyq taýar ótkizý júıesin qurýdyń qazaqstandyq jobasy týraly habardar etti. Kezdesý qorytyndysy boıynsha taýar ótkizý júıelerin damytý boıynsha «saǵattardy salystyrý» ýaǵdalastyǵyna qol jetkizildi.
Taraptar Saýda-ekonomıkalyq yntymaqtastyqty keńeıtý jáne túrli salalarda tájirıbe almasý jónindegi Jol kartasyn ázirleý týraly sheshim qabyldady. Jaqyn arada sarapshylyq deńgeıde Jumys tobyn qurý josparlanýda.
Jaqyn arada sarapshylyq deńgeıde Jumys tobyn qurý josparlanýda.
Kezdesý QR Saýda jáne ıntegrasııa vıse-mınıstri Qaırat Tórebaevtyń «Reseı – Islam álemi: KazanSummit 2021» XII Halyqaralyq ekonomıkalyq sammıtiniń jumysyna qatysýy sheńberinde ótti. Sammıt aıasynda QR saýda-ekonomıkalyq mıssııasy jáne Qazaqstan-Reseı bıznes-forýmy ótýde.