Jańaózendegi jylyjaı

Jylyjaı ıesi Ǵaıbolla Qa­byl­ulynyń aıtýynsha, bir túp qyzanaq toqsan kúnniń aınala­syn­da tolyqtaı pisedi eken. Jal­py, jylyjaıda kók­ónistiń tórt myń­daı túbi otyr­ǵyzylǵan. 24 so­tyq aýma­q­­qa 9 myń túp qııar egi­lip­ti.

«Eń az degende 50-60 myń tonnadaı ónim beredi dep otyrmyz. Kútimge baılanysty. Jaqsylap qaraı alsaq, jaqsy ónim beredi. Qańtar-aqpan aıynda birinshi lek egilse, ekinshi legi shilde aıy­nyń ortasynda jańadan otyr­ǵy­zylady. Pisken ónimdi bir kún tastap terip oty­ramyz jáne arnaıy paketke salamyz. Báseke­lestik bar. О́nimderdi iri saýda núktelerine kóterme baǵamen bir-aq satamyn», deıdi kásipker.

Bir ǵana jylyjaıdyń ózinde bes-alty azamatty tu­­­­raqty ju­myspen qamtyp otyr. Jyly­jaı ıesi jumys aýqy­myn keńeıte tús­sem deı­­di. Árıne ol úshin mem­le­ket usy­nyp otyrǵan baǵ­­dar­la­ma­lardy da paıdala­nyp kór­gen abzal. Bul rette osy­­dan 11 jyl buryn qolǵa alyn­­ǵan «Agrobıznes – 2020» baǵ­dar­lamasyn aıtsaq bolady. Baǵ­darlama aıasynda sýbsıdııalaý boıynsha jylyjaıdyń ár gektaryna bólingen qarjyǵa tyńaıt­qyshtar, tuqym alýǵa múm­kindik bar. Sóıtip shy­ǵyn­­­nyń ornyn toltyryp, ta­­­bys­tyń kólemin arttyra alady. Álbette tynym­syz eń­­bek­siz eshteńe de ónbeıdi. Sony jaq­sy túsingen Ǵaıbolla Qa­byl­­uly jáne onyń komandasy shúmektep ter tógip, qara jerge tastalǵan tuqym túınek bolyp boı kóterip, ónim bolyp jaıqalǵansha eńbekterin bir sátke de toqtatpaıdy.

Bıyl jazda ónim tap­shy­lyǵy kezinde baǵa qym­battap, halyq­tyń kún­delik­ti as-aýqa­tyna aralas­tyrar kókónis tappaı qı­nalyp ket­keni el esinde. Al osyndaı jy­ly­­jaı­lardyń kóbeıýi jáne olarǵa beriler kómektiń de arta túsýi otan­dyq ónim men na­ryqty qoldaý bol­maq. Qazaq­stan na­ryǵyn syrttan emes, ózimizdiń otan­dyq ónimmen qam­ta­masyz etýge baǵyttalǵan ja­­ńa­­ózendik kásip­kerdiń áre­keti óz jemi­sin beredi jáne óz­gelerge úlgi bolady degen se­nim basym.

«Egemen-aqparat»