Densaýlyq saqtaý mınıstrligi 4 mıllıon adamǵa koronavırýstyq ınfeksııaǵa qarsy 8 mıllıon doza vaksına jetkizýge kelisim-shart jasasty. Bul týraly Úkimet otyrysynda vedomstvo basshysy Alekseı Soı aıtty, dep habarlaıdy Egemen.kz.
«Búgingi kúni shamamen 9,4 mıllıon doza vaksına paıdalanyldy, onyń ishinde 1-komponenti boıynsha 5 480 094 adam egildi, bul tıisti halyqtyń 55,4%-yn quraıdy. Ekinshi komponentpen 3 941 941 adam nemese tıisti halyqtyń 39,8% qamtylǵan», dedi ol.
Sonymen qatar mınıstr qosymsha vaksına jetkizýge kelisimsharttar jasaǵandyǵyn habarlady.
«Mınıstrlik 4 mıllıon adamǵa 8 mıllıon dozany qosymsha jetkizýge kelisimsharttar jasady. Jetkizý kestege sáıkes júrgizilýde. Osyǵan baılanysty, respýblıkada halyqtyń vaksınasııaǵa qol jetimdiligi jetkilikti mólsherde qamtamasyz etilgen», dedi Soı.