QR Densaýlyq saqtaý mınıstri Alekseı Soı Ashyq jobasyna qatysatyn uıymdardyń sanyn atady, dep habarlaıdy Egemen.kz.
«Ashyq jobasyna qosylýǵa qoıylatyn talaptardy jeńildetý qatysýshylardyń sanyn úsh esege arttyrdy. Aǵymdaǵy jyldyń 27 shildesinen 2 tamyzy aralyǵynda jobaǵa qatysýshylar sany 21 900-den 67 782-ge deıin ósti», dedi Alekseı Soı Úkimet otyrysynda.
Ol Ashyq jobasy aıasynda monıtorıngtik toptar 50 myń obektini - jobanyń qatysýshylaryn qamtyǵanyn eske saldy.
«642 obektide buzýshylyqtar anyqtaldy. Sıfrlyq damý mınıstrliginiń dereginshe, 10 shildeden beri 16 663 zań buzýshy anyqtaldy, onyń ishinde 10 305 kelýshi - «qyzyl» jáne 6358 «sary» mártebeli. Osylaısha, 16 myńnan astam nysanda turǵyndardyń koronavırýs ınfeksııasyn juqtyrý qaýpin seıiltti», dep qorytyndylady mınıstr.