QR Premer-Mınıstri Asqar Mamın oblys ákimderi men QR Densaýlyq saqtaý mınıstrligine eldegi epıdemıologııalyq jaǵdaıdy jaqsartý boıynsha tapsyrma berdi, dep jazady Egemen.kz.
«Delta shtamynyń» taralýyna baılanysty aımaqtardaǵy epıdemıologııalyq jaǵdaı nasharlady. Respýblıkada aýrýshańdyq aıtarlyqtaı ósti. Aýrýhana tósekteriniń syıymdylyǵy 56%, reanımasııada - 44%», dedi Úkimet basshysy.
Asqar Mamın vaksınasııa boıynsha jumysty jalǵastyrýdy tapsyrdy. Búgingi tańda elimizde 5,5 mıllıon adam - vaksınanyń birinshi komponentin, al 4 mıllıon adam ekinshisin aldy.
«Vedomstvoaralyq komıssııa aldyn alý sharalaryn júrgizýde, 2 tamyzdan bastap óńirlerde kúsheıtilgen karantındik sharalar kúshine endi. Barlyq qabyldanǵan karantın shekteýiniń qatań saqtalýyn qamtamasyz etý qajet. Búgin Ashyq jobasy kásipkerlerge karantındik sharalar jaǵdaıynda jumys isteýge múmkindik beredi», dep qosty Premer-Mınıstr.
Ol oblys ákimderi men Densaýlyq saqtaý mınıstrligine barlyq aýrýhana, bastapqy ortalyq, mobıldi top, PTR zerthanalarynyń úzdiksiz jumysyn qamtamasyz etýdi tapsyrdy.
Sondaı-aq Ishki ister mınıstrligi men Densaýlyq saqtaý mınıstrligine karantındik-sanıtarlyq normalardyń buzylýyn baqylaý jáne anyqtaý bóliginde baqylaý toptarynyń jumysyn kúsheıtý tapsyryldy.