Atyraýda ár on kún saıyn vaksına alǵandar arasynda aqshalaı utys oıyny ótip keledi. «Azamattyq Alıans» ZTB uıymdastyrǵan aqshalaı utys oıyny úshinshi ret ótti. Ony táýelsiz tórt baqylaýshy qadaǵalady, dep habarlaıdy Egemen.kz.
«Úshinshi ret ótkizilgen aqshalaı utys oıynyna vaksına alǵan 35 244 adam qatysty. Onyń ishinde kezdeısoq san arqyly tańdalǵan on adam 200 myń teńgeniń aqshalaı sertıfıkatyn utyp aldy. Bul jolǵy utys oıynynyń bas júldesi – 3 mln teńgeniń eki sertıfıkaty. Ony shilde aıynda vaksına saldarǵandyń arasynan Qurmanǵazy aýdanynyń eki turǵyny ıelendi», dep habarlady oblystyq densaýlyq saqtaý basqarmasynyń baspasóz qyzmeti.
Tikeleı efırde 3 mln teńgeni utyp alǵannyń biri – Násıpolla Ǵarıfov. Onyń otbasynda 5 bala bar. Al, ekinshisi – jeke kásipker Aıman Jarmuhambetova.