Búgin 80 jastan asqan shaǵynda qazaq óneriniń kórnekti tulǵasy, ánshi, Qazaqstannyń eńbek sińirgen artısi, professor, elimizde tuńǵysh ret «Estradalyq vokal» kafedrasynyń negizin salǵan qaıratker Lıýsııa Tóleshova ómirden ótti, dep habarlaıdy Egemen.kz.
Qaraly habardy Muhtar Áýezov atyndaǵy Qazaq memlekettik akademııalyq drama teatrynyń dırektory Ashat Maemırov estirtti.
«Álemdi jaılaǵan indetten qazaqtyń aıaýly tulǵasy Lıýsııa Qajyǵalıqyzy dúnıe saldy. Máskeýdegi Gnesınder atyndaǵy mýzyka akademııasyn támamdaǵan Lıýsııa Tóleshova óziniń sanaly ǵumyryn kásibı estrada ónerine arnady. Sońǵy demi úzilgenshe T.Júrgenov atyndaǵy Qazaq Ulttyq óner akademııasynyń «Estradalyq vokal» kafedrasynyń professory bolyp eńbek etti.
Lıýsııa Qajyǵalıqyzy T.Zabırova, B.Shadaeva, S.Maıǵazıev, B.Muhıtdınova, G.Qaspaqova, M.Músiráli, J.Arystanova, Á.Karımov, Q.Túntekov, B.Qulǵaraev, D.Kaden, B.Retbaev, t.b. sekildi shákirtter tárbıelegen. Júregi óner dep soqqan Lıýsııa Qajyǵalıqyzymen ómir men óner jolynda áriptes boldyq, syılastyq. О́mirde erekshe qadir tutqan Lıýsııa Qajyǵalıqyzynyń oı-armandary men maqsattary kóp edi... Ajalǵa ne shara?! Otbasyna, týma-týysqandary men áriptesterine, barlyq shákirtterine qaıǵyryp kóńil aıtamyn», dedi Ashat Maemırov.