О́simdik sharýashylyǵyndaǵy ylǵaldyń jetispeýshiligi men artyqshylyǵynan alqaptardy saqtandyrý jáne mal sharýashylyǵyndaǵy iri qara maldy saqtandyrý boıynsha qoldanystaǵy ónimderge usaq qara mal men jylqylardy saqtandyrý qosyldy, dep jazady Egemen.kz QR AShM baspasóz qyzmetine silteme jasap.
2020 jyldan beri mal sharýashylyǵynda tek sıyrdy túrli táýekelderden saqtandyrý jumysy atqarylyp kelgen bolatyn. Naryqqa usaq mal men jylqylardy tolyq saqtandyrýdy qamtamasyz etetin jańa ónimder engizildi. Oǵan barlyq yqtımal táýekelder kiredi jáne salystyrmaly túrde quny da tómen.
Mal aýrýdan, órtten, jazataıym oqıǵalardan ólse jáne urylar soıyp alsa, joǵalyp ketse, saqtandyrý arqyly shyǵyndy ótep alýǵa bolatyn mehanızm usynylady.
Maldy qalypty túrde saqtandyrý aıasynda fermer malyn óz sharýashylyǵynyń aýmaǵynda ǵana túrli táýekelderden saqtandyra alady.
Saqtandyrýdyń keńeıtilgen túri formatynda fermer malyn 5 km radıýsta ornalasqan kórshi sharýashylyqtardaǵy aýrýlardyń órshýinen saqtandyrady.
Saqtandyrýǵa jatatyn bas sany - keminde 30. Saqtandyrylatyn mal sanyna baılanysty saqtandyrý tarıfteriniń ártúrli deńgeıleri belgilengen, máselen, jylqy úshin - 2,31 – den 6,46% - ǵa deıin, usaq mal úshin-2,38-den 6,16% - ǵa deıin.
«Osy ónimder boıynsha saqtandyrý syıaqylaryn sýbsıdııalaý túrinde memlekettik qoldaý jumys isteıdi. Ol aýyl sharýashylyǵy taýar óndirýshilerin yntalandyrýǵa jáne saqtandyrý syıqaqysy somasynyń 50%-yn sýbsıdııalaý arqyly saqtandyrý shartyn jartylaı arzandatýǵa baǵyttalǵan. Osylaısha, saqtandyrý shartyn jasasý kezinde fermer shart qunynyń jartysyn tóleıdi, qalǵan jartysyn ol úshin operator – Aýyl sharýashylyǵyn qarjylaı qoldaý qory tóleıdi», dep atap ótti qordyń Basqarýshy dırektory – Basqarma múshesi Asqar Qalıev.
Júıede Qazaqstan Respýblıkasynyń qarjy naryǵyn retteý jáne damytý jónindegi agenttiginiń lısenzııasy bar saqtandyrý kompanııalary ǵana jumys isteıdi.
Osy táýekelderdi álemdik saqtandyrý naryǵynda «A» reıtıngisi bar Halyqaralyq qaıta saqtandyrý kompanııasy qaıta saqtandyratyn bolady. Bul saqtandyrý táýekelderi týyndaǵan jaǵdaıda kepildendirilgen tólemderdi qamtamasyz etýge múmkindik beredi.
Shart jasasýdan bastap tólemderge deıingi barlyq rásimder fermerdiń elektrondy sıfrlyq qoltańbasy arqyly Qoldau.kz platformasynda ornalasqan Agroinsurance aqparattyq servısinde júrgiziledi.