Jedel-izdestirý is-sharalaryn júrgizý barysynda Pavlodar oblysynyń polısııa qyzmetkerleri 200-den astam jalǵan vaksına pasportyn tárkiledi, dep jazady Egemen.kz Polisia.kz-ke silteme jasap.
Pavlodar qalasy emhanalarynyń birinde tórt medısına qyzmetkeri elektrondyq bazaǵa jalǵan málimetter engizý arqyly vaksına pasportyn qoldan jasaǵany anyqtaldy. Is-shara barysynda 200-den astam jalǵan pasport tárkilendi.
Atalǵan fakti boıynsha QR QK 385-babynyń 2-bólimi boıynsha sotqa deıingi tergeý amaldary júrgizilip jatyr. Qatysýshylardyń uıaly telefony alyndy, sondaı-aq jumys ornynda tintý júrgizildi. Nátıjesinde tehnıkalar men qujattamalar tárkilenip, tıisti saraptama taǵaıyndaldy.
«Qazirgi ýaqytta Pavlodar oblysynyń Polısııa departamenti COVID-19 vaksınasııasynyń jalǵan pasportyn satyp alǵan jáne odan ári paıdalanǵan adamdardy anyqtap jatyr. Olarǵa qatysty tıisti tergeý amaldary júrgizilip, QR Qylmystyq kodeksi 385-babynyń 3-bólimi boıynsha jalǵan qujatty paıdalanǵany úshin qylmystyq jaýapkershilikke tartý qarastyrylady», dep habarlady oblystyq Polısııa departamentiniń bastyǵy Nurlan Másimov.