Oblys ákiminiń ókimimen jolaýshylar kóligi jáne avtomobıl joldary basqarmasynyń basshysy laýazymyn Samat Qabaıuly Aıtqalıev atqarýǵa kiristi, dep habarlaıdy Egemen.kz.
Samat Qabaıuly 1972 jyly Atyraý qalasynda týǵan. Bilimi joǵary, Almaty avtojol ınstıtýtyn «ınjener-qurylysshy» mamandyǵymen bitirgen.
Eńbek jolyn 1994-1996 jyldary Atyraý oblysyndaǵy jol-paıdalaný ýchaskesinde jol jóndeý sheberi bolyp bastady. 2001-2005 jyldary jeke kásipkerlikpen aınalysty.
2005-2008 jyldary «Samnur» JShS dırektory, 2008-2010 jyldary «Nurjol» JShS dırektorynyń orynbasary bolyp jumys istedi. 2011-2012 jyldary Atyraý oblystyq qurylys basqarmasynda, 2012-2013 jyldary memlekettik sáýlet-qurylys baqylaý departamentinde bas maman, 2013-2014 jyldary Maqat aýdany ákimniń orynbasary, oblystyq qurylys basqarmasy basshysynyń orynbasary, 2014-2019 jyldary «Atyraýınjstroı» JShS dırektorynyń tehnıkalyq orynbasary, bas ınjeneri bolǵan.
2019-2020 jyldary «QazAvtoJol» UK AQ-da sapany baqylaý bóliminiń bas mamany, 2020 jyldan osy taǵaıyndaýǵa deıin «Samuryq Qazyna Development» JShS-de tehnıkalyq súıemeldeý bóliminiń qadaǵalaý jónindegi sarapshysy qyzmetin atqardy.