Reseıde Qazan qalasynan Qazaqstan astanasyna reısterdi iske qosý múmkindigi qarastyrylýda, dep habarlaıdy Egemen.kz Petropavlovsk.news saıtyna silteme jasap.
Rosavıasııa Qazan-Nur-Sultan avıareısin ushyrýǵa daıyndalýda.
О́tken aptada Reseıdiń Federaldy áýe kóligi agenttigi «Alrosa» jáne «IýVT Aero» avıakompanııalaryna Tatarstannan Qazaqstanǵa deıingi reısterdi júzege asyrýǵa ruqsat berý týraly baǵalaý paraǵyn jarııalady. Avıakompanııalar reısterdiń turaqtylyǵy men halyqaralyq tasymaldaý talaptaryna sáıkestigin baǵalady.
Bul reısti iske qosý týraly túpkilikti sheshim áli joq, biraq sońǵy birneshe aptada Reseı eki eldi baılanystyratyn jańa baǵyttardy qarastyrý boıynsha jumysty kúsheıtti.
Buǵan deıin Rosavıasııa «Severnyı veter» jáne «Ikar» avıakompanııalaryna Qazaqstan men Reseıdiń iri qalalary arasyndaǵy reısterge ruqsat bergen bolatyn.
Sonymen qatar, Omby áýejaıynyń kestesinde tamyz aıynyń sońynda iske qosylatyn Omby - Nur-Sultan reısi paıda boldy dep habarlandy. Alaıda, keıinnen keste ózgerip, bul reıs tizimnen joǵalyp ketti.