Kámeletke tolmaǵandar arasyndaǵy quqyq buzýshylyqtyń aldyn alý, balalar men jasóspirimderdiń zańdy ókilderiniń erip júrýinsiz túngi ýaqytta oıyn-saýyq mekemelerinde jáne úıden tys jerlerde bolýyna jol bermeý maqsatynda ıývenaldyq polısııa qyzmetkerleri jergilikti-reıdtik is-sharalar ótkizdi, dep habarlaıdy Egemen.kz Nur-Sultan qalasy PD baspasóz qyzmetine silteme jasap.
Tártip saqshylary zań buzýshylyq áreketterin anyqtaý maqsatynda aýlalardy, saıabaqtardy, skverlerdi jáne jastar men kámeletke tolmaǵandar shoǵyrlanatyn basqa da oryndardy tekserdi.
Saǵat 23.40-ta Nur-Sultan qalasy «Esil» aýdany PB ıývenaldy polısııa qyzmetkerleri Qonaev kóshesindegi ákimshilik ýchaskeni aralaý kezinde saǵat 23.00-den keıin júrgen 17 jastaǵy jasóspirimdi anyqtady. Kámeletke tolmaǵan adamnyń zańdy ókiliniń qatysýymen QR ÁQBtK-niń 442-babynyń 2-bóligi boıynsha ákimshilik hattama toltyryldy.
2 kún ishinde polısııa qyzmetkerleri kámeletke tolmaǵandardyń zańdy ókilderiniń erip júrýinsiz turǵyn úıden tys jerde bolǵany úshin saǵat 23.00-den 06.00-ge deıin 30-dan astam adamdy ákimshilik jaýapkershilikke tartty.
Reıd barysynda ákimshilik jáne qylmystyq zańnama normalaryn túsindirý boıynsha profılaktıkalyq áńgimeler júrgize otyryp, balalardyń quqyqtaryn buzý faktilerin anyqtaý obektileri tekserildi.
Aǵymdaǵy jyldyń basynan bastap tártip saqshylary kámeletke tolmaǵandardyń zańdy ókilderiniń erip júrýinsiz turǵynjaıdan tys jerde bolǵany – 2600-ge jýyq, kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde bolǵany - 89, kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde bolýyna jol bergeni - 53 adamdy ákimshilik jaýapkershilikke tartty.