Bokstan Tokıo Olımpıadasynyń jartylaı fınalynda baq synaıtyn jalǵyz qazaqstandyq boksshy qaldy. Ol – Sáken Bıbosynov. Sportshynyń jeke bapkeri Myrzaǵalı Aıtjanov shırek fınaldyq jekpe-jekti qorytyndylap, aldaǵy kezdesýge qatysty oıyn aıtty, dep jazady Egemen.kz Olympic.kz saıtyna silteme jasap.
«Olımpıadadaǵy árbir jeńis ońaılyqpen kelmeıdi. Keshegi jeńis te úlken kúshti talap etti. Sáken júldeger qatarynda bar, biraq, munymen toqtamaı, alǵa basý kerek. Shırek fınaldyq kezdesýde onyń kishigirim qatelikteri boldy. Qolmen jumys istemeı, bir orynda turyp qaldy. Endi biz osy qatelikterdi kelesi jekpe-jekte jibermeýge tyrysamyz.
Sharshy alańdy seziný kerek. Qaı deńgeıdegi boksshylar bolsa da, sharshy alańǵa shyqqanda barlyǵy da teń. Sondyqtan, kez kelgen el jeńiske jetkisi keledi. Kez kelgen jeńis biz úshin maqtanysh. Ekinshi raýndtan soń ony jigerlendirý kerektigin túsindim. Munda ne úshin kelgenin aıttym. Bar kúshimen uryp, qolynan kelgenin aıanbaýyn suradym. Kerek bolsa, tóbeles dedim. Ár adamnyń bokstasý máneri ártúrli, eger qarsylasyń «las» oıyn kórsetse, oǵan da beıimdelý kerek.
Sáken kelesi qarsylasyn da tanıdy. Biz oǵan tyńǵylyqty daıyndalamyz. Bárin sharshy alań kórsetedi», dedi M. Aıtjanov.