Mańǵystaý oblysy ekologııa departamenti basshysynyń orynbasary Saǵdat Hanseıitov barlyǵyna kúıe jaǵýdan aýlaq jáne ekologııalyq mádenıetti qalyptastyrý maqsatynda túsindirý sharalaryn júrgizý qajet ekenin aıtty, dep jazady Egemen.kz mangystaumedia.kz saıtyna silteme jasap.
«О́zinen keıin qoqys tastaıtyndar eń aldymen osy aýmaqtardyń tazalyǵyna jaýapty mamandardyń eńbegin baǵalasa deımin. Ár adam ózin syılasa, mundaı jaǵdaıǵa jol bermes edi. Sondyqtan da buqaralyq aqparat quraldary men áleýmettik jeliler arqyly barsha mańǵystaýlyqty, turǵyndar men qonaqtardy aınalany taza ustaýǵa, qoqystardy shashpaı, arnaıy oryndarǵa tastaýǵa jáne ekologııalyq mádenıetti qalyptastyrýǵa shaqyramyn. Ekologııalyq mádenıet adamnyń sana-sezimin damytýǵa ǵana emes, sonymen qatar memlekettiń ál-aýqatynyń ósýine de negiz bolady», deıdi Saǵdat Batyrbekuly.
Mańǵystaý oblystyq ekologııa departamentiniń baspasóz qyzmetiniń aıtýynsha, demalys oryndaryn lastaýshylardy jaýapqa tartý quzyreti polısııa qyzmetkerlerine berilgen. Aldaǵy ýaqytta ekologtar tártip saqshylarymen birlesken reıdtik sharalar ótkizýdi jalǵastyrmaqshy.