Nur-Sultanda koronavırýsqa qarsy egilgenderdiń ımmýndyq reaksııasy tekserildi, dep jazady Egemen.kz.
Nur-Sultandaǵy Olimp klınıkalyq dıagnostıkalyq zerthanalar jelisi 7 maýsym - 4 tamyz aralyǵynda 962 adamnyń vaksınasııadan keıingi antıdenesin teksergen. Onyń ishinde 866 adam - Sputnik V, 58 adam - Hayat-Vax, 14 adam - QazVac, 12 adam - CoronaVac, 9 adam - Pfizer, 3 adam AstraZeneca vaksınasyn alǵan.
«Zertteý nátıjeleri boıynsha Sputnik V vaksınasyn alǵandardyń 97%-ynda, Hayat-Vax alǵandardyń 90%-ynda, QazVac 79%-ynda, CoronaVac 92%-ynda jáne Pfizer jáne AstraZeneca ekpesin alǵandardyń bárinde antıdene tabyldy. Naýqastardyń sany artqan saıyn kórsetkish ózgerýi múmkin», dedi kompanııanyń bas dırektory Erlan Súleımenov.