«Ońtústik» óńirlik qolbasshylyǵynyń mehanıkalandyrylǵan brıgada bazasynda sybaılas jemqorlyqqa qarsy qylmystyq quqyq buzýshylyqtardyń aldyn alý jóninde vedomstvoaralyq keńestiń kezekti otyrysy ótti, dep jazady Egemen.kz garnızonynyń baspasóz qyzmetine silteme jasap.
Otyrys barysynda 2021 jyldaǵy segiz aıdyń qorytyndysy boıynsha áskerı bólim komandırleriniń áskerı tártip pen quqyqtyq tártiptiń jaı-kúıi týraly baıandamalary oqyldy.
«Quqyq qorǵaý organdarynyń ókilderimen qylmystyq quqyq buzýshylyqtardyń aldyn alý boıynsha birlesken is-sharalardy ótkizý qajet. Áskerı bólim basshylyǵyna qylmystyq quqyq buzýshylyqtardy jasaýǵa jáne basqa da zańdardy buzýǵa yqpal etetin sebepter men jaǵdaılardyjoıý boıynsha qoldaý kórsetýge nazar aýdarý kerek», dep atap ótti óz baıandamasynda áskerı prokýrordyń orynbasary ádilet podpolkovnıgi Ermek Shalbaev.Barlyq baıandama aıaqtalǵannan keıin áskerı prokýror ádilet polkovnıgi Baǵlan Teleý garnızonnyń áskerı bólimderiniń komandırlerine quqyq buzýshylyqtardyń jasalýyn boldyrmaý, sondaı-aq áskerı qylmystar boıynsha QR QK baptaryn jetkize otyryp, aldyn alý jumystaryn jalǵastyrý jóninde naqty usynystar berdi.
Otyrys aıaǵynda QR Qarýly Kúshteri qatarynda buryndary jasalǵan sybaılas jemqorlyq quqyq buzýshylyqtary týraly beınefılm kórsetildi.
Vedomstvoaralyq keńes aıaqtalǵannan keıin áskerı bólimderdiń komandırlerine qylmystyq quqyq buzýshylyqtardyń aldyn alý jáne olarǵa jol bermeý boıynsha mindetter qoıyldy.
Keńeske QR UQK Shekara qyzmeti jáne QR IIM Ulttyq ulany vedomstvolarynyń ókilderi, sondaı-aq garnızondaǵy áskerı bólimder men mekemelerdiń sybaılas jemqorlyqqa qarsy is-qımyl jónindegi komıssııalarynyń basshylary men ókilderiniń qatysýymen ótti.