Pavlodar oblysy sáýlet basqarmasynyń burynǵy basshysy úsh jylǵa bas bostandyǵynan aıyryldy. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Begaıdarov málimdedi, dep habarlaıdy Egemen.kz.
«28 shildede Pavlodar qalasynyń № 2 sotynyń úkimimen Pavlodar oblysy sáýlet basqarmasynyń burynǵy basshysy Kákambetov memlekettik qyzmette qyzmet atqarý quqyǵynan ómir boıyna aıyra otyryp, úsh jyl merzimge bas bostandyǵynan aıyrý túrinde jaza taǵaıyndaldy.
Basqarma basshysynyń mindetin atqarýshy Shabanov memlekettik qyzmette laýazymdardy atqarý quqyǵynan ómir boıyna aıyra otyryp, 2 jyl 6 aı merzimge bas bostandyǵynan aıyryldy.
Sondaı-aq basqarmanyń ákimshilik bóliminiń basshysy Baltabaeva men ákimshilik bóliminiń bas mamany-bas býhgalteri Mashrapova 2 jyl 6 aı merzimge sottalyp, ómir boıy memlekettik qyzmette qyzmet atqarý quqyǵynan aıyryldy», dedi Bıǵaıdarov brıfıngte.
Kákámbetov, Shabanov, Baltabaeva jáne Mashrapova jalǵan issapar shyǵystary men memlekettik satyp alý boıynsha taýarlardy qabyldaý aktilerin resimdeý arqyly jalpy somasy 11,1 mıllıon teńge bıýdjet qarajatyn jymqyrdy degen kúdikke ilingen bolatyn.