Densaýlyq saqtaý mınıstri Alekseı Soı Qazaqstanda koronavırýsqa qarsy revaksınasııanyń qashan bastalatynyn aıtty, dep habarlaıdy Egemen.kz.
«Revaksınasııa josparda bar. Qazir tásilderin qarastyryp jatyrmyz. Ol eki túrli bolady. Shuǵyl revaksınasııa bar, ol jalpy ujymdyq ımmýnıtet qalyptastyrýǵa deıin salynady. Al josparly revaksınasııa jylyna bir ret jasalady. Biz qazir saraptap jatyrmyz, sebebi Qazaqstan vaksınasııany salystyrmaly túrde jaıyraq, aqpan aıynan bastady. Kópshilik maýsym-shilde aılarynda ekpe aldy. Bizdiń antıdeneler áli de jańa, deńgeıi joǵary. Sondyqtan ekinshi dozany alǵannan keıin shamamen 9 aı ótken soń, kúntizbege qosatyn shyǵarmyz», dedi Soı Coronavirus2020.kz telegram arnasynda jarııalanǵan vıdeoda.
Mınıstr muny áriptesterimen talqylap jatqanyn, keıin DDSU-men keńesetinin málimdedi. Soıdyń aıtýynsha, revaksınasııa týraly aıta bastaǵan AQSh, Izraıl jáne Reseı syndy elder vaksına alýdy ótken jyly bastaǵan.
«Olardyń alǵashqy vaksınany alǵanyna 9 aıdan asty. Qazaqstanda revaksınasııa qazan aıyna ózekti bolady, sebebi bizdiń azamattar alǵashqy ekpeni aqpan aıynyń basynda alǵan», dep qosty mınıstr.