Koronavırýsqa shaldyqqandardyń 99,9 paıyzy vaksına saldyrmaǵandar. Bul týraly búgin Úkimet otyrysynda QR Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Búginde 5,9 mıllıon adam vaksınanyń 1 komponentimen egildi. Bul ekpe alýǵa tıisti halyqtyń 59 paıyzyn quraıdy. 2 komponentti ekpe alýǵa qajetti halyqtyń 45,2 paıyzy shamamen 4,5 mıllıon adam aldy. Vaksınasııanyń 1-dozasymen eń tómengi qamtý prosenti Mańǵystaý oblysynda baıqalady. О́ńirler vaksınanyń jetkilikti kólemimen qamtamasyz etilgen. Vaksınany jetkizý kestege sáıkes júrgizilip jatyr. Vaksınasııanyń tıimdiligin baǵalaý barysynda aýrýdyń 99,9 paıyzy vaksına almaǵandarǵa tıesili ekendigi anyqtaldy. Bul rette vaksınasııadan keıin aýyrǵandardyń úlesi nebári 0,1 paıyzdy quraıdy», dedi Alekseı Soı.
Mınıstrdiń aıtýynsha, ekpe almaǵandar arasynda COVID-19-dan ólim-jitim úlesi 97,7 paıyzdy quraıdy. Al vaksınasııa alǵandar arasynda qaıtys bolǵandar 2,3 paıyzdy qurap otyr. Bul rette olardyń aýyr sozylmaly aýrýlary bolǵan.
«Bul fakti COVID-tiń aýyr saldarynyń aldyn alýdaǵy vaksınasııanyń tıimdiligin taǵy bir márte dáleldeıdi», dedi ol.