Túrkistan oblysynda karantın talaptaryn eskermeı toı-jıyn ótkizý tyıylmaı tur, dep habarlaıdy Egemen.kz polisia.kz-ke silteme jasap.
Osyndaı derek boıynsha oblystyń úsh turǵyny jaýapqa tartyldy. Jappaı tártipsizdiktiń aldyn-alý maqsatynda Sozaq APB-nyń qyzmetkerlerinen karantın rejımin jáne shekteý sharalaryn saqtaý maqsatynda mobıldi top quryldy. Olardyń biri kúndizgi saǵat 15:00 shamasynda 50-ge tarta týystaryn jınap, tusaý kesý toıyn ótkizgen. Qalǵan eki turǵyn 60-tan astam adamdy jınap, betashar toıyn jasaǵan.
Tártip saqshylary atalǵan jaıttardy QR ÁQBtK-niń 425 baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha is-qujattardy jınaqtap, zańdy sheshim qabyldaý úshin Sozaq aýdandyq SEBB-ge joldady. Sozaq aýdanynda jyl basynan beri karantın rejımin buzyp, túrli toı-jıyn ótkizgen 130 jaıt anyqtalǵan.