Oralda esirtki qabyldaǵan er adam 4 mıllıon teńgeniń avtokóligin aıdap ketken, dep habarlaıdy Egemen.kz BQO polısııa departamentiniń baspasóz qyzmetine silteme jasap.
BQO polısııa departamentiniń baspasóz qyzmeti habarlaǵandaı, oqıǵa temirjol vokzaly aýdanyndaǵy avtoturaqta oryn aldy.
Belgisiz bireý 31 jastaǵy turǵynǵa tıesili «Toıota Estıma» avtokóligin aıdap ketken. Keltirilgen zalal 4 mıllıon teńgeni qurady.
Jedel izdestirý is-sharalary barysynda 1982 jylǵy Oral qalasynyń turǵyny ustaldy. Aldyn ala tergeý barysynda anyqtalǵandaı, er adam avtokólikti esirtkige eltigen kúıinde aıdaǵan. Oǵan qosa, ol buryn kólik basqarý quqyǵynan aıyrylǵan bolyp shyqty.
Avtokólik arnaıy turaqqa qoıylyp, kúdikti ýaqytsha ustaý ızolıatoryna qamaldy. Qazirgi kezde QR QK 200-baby 1-bóligine (aıdap ketý) jáne 346-baby 1-bóligine (kólik quraldaryn basqarý quqyǵynan aıyrylǵan jáne alkogoldik, esirtkilik masań kúıdegi adamnyń kólik quralyn basqarýy) sáıkes sotqa deıingi tergeý amaldary bastaldy.