Dúnıejúzilik densaýlyq saqtaý uıymy koronavırýspen aýyratyn naýqastardyń qatysýymen COVID-19-ǵa qarsy úsh jańa farmakologııalyq preparatyn synaqtan ótkizýdi bastady, dep habarlaıdy Egemen.kz RIA Novostıge silteme jasap.
«Biz aýrýhanaǵa jatqyzylǵan Sovid-19 pasıentteri arasynda ólim qaýpin azaıtý múmkindigi bar artesýnat, ımatınıb jáne ınflıksımab preparattary týraly aıtyp otyrmyz. Artesýnat aýyr bezgekte, ımatınıb - qaterli isiktiń keıbir túrlerinde, al ınflıksımab - Kron aýrýy jáne revmatoıdty artrıt sııaqty ımmýndyq júıeniń aýrýlarynda qoldanylady», delingen habarlamada.
Bul dári-dármekterdi óndirýshiler zertteý jumystaryn ótkizý maqsatynda usyndy.
DDSU qamqorlyǵymen ótkiziletin yntymaqtastyq synaqtarynyń jańa kezeńine 52 eldegi 600-den astam aýrýhanalarda myńdaǵan zertteýshiler qatysady, bul birinshi synaq kezeńine qaraǵanda 16 elge kóp.