Qyzylorda oblysynda modýldik stasıonar jumysy iske qosyldy, dep habarlaıdy Egemen.kz QazAqparat saıtyna silteme jasap.
Búgingi kúni Qyzylorda oblysynda indet juqtyrǵan 12 784 adam tirkelip, sonyń ishinde 9 828 naýqas jazyldy. Pnevmonııamen aýyrǵan 1867 naýqastyń 1580-i emdelip shyqty.
Osy jyldyń maýsym-shilde aılarynda ınfeksııalyq tósek-oryn sany 585-ten 2340-qa deıin arttyryldy. Al reanımasııalyq tósek-oryn 90-nan 172-ge deıin kóbeıtildi. Qazirgi júkteme 55 paıyzdy qurap otyr.
Qurylysy 2020 jyly bastalǵan modýldik stasıonar ashylyp, koronavırýsqa shaldyqqan naýqastardy qabyldaý bastaldy. Stasıonarda rejımdi túrde 6 ottegi shyǵarý stansııasy jumys jasaýda. Qajetti dári-dármek qory qalyptasqan. Koronavırýs ınfeksııasyna qarsy kúres jumystaryna qajetti medısınalyq kadrlar men quraldar jabdyqtaldy.
О́ńirde 11 PTR apparaty iske qosylǵan. Táýligine 1300-1500 aralyǵynda synama alynýda.
Oblysta ujymdyq ımmýnıtetti qalyptastyrý maqsatynda ekpe alýǵa qabiletti 401 myń turǵynnyń 61,4% vaksınalandy. Qyrkúıek aıynda kórsetkish 85% oryndalady dep josparlanýda. Vaksınasııalaý jumystary oblys boıynsha 106 egý kabınetinde júrgizilýde, oǵan 133 meıirbıke men 89 dýbler tartylǵan. Oblysta «Ashyq» jobasy arqyly 2749 nysan jumys jasaýda.