Tarazda úsh jasar qyzdy júk poıyzy basyp ketti, dep habarlaıdy Egemen.kz.
Aýyr jaraqat alǵan sábı oqıǵa ornynda kóz jumdy.
Qaıǵyly jaǵdaı Qumshaǵal beketinde boldy. Taraz stansııasy jelilik polısııa ókilderiniń aıtýynsha, qyzdyń anasy temirjolda turǵan vagondardyń astynan ótpek bolǵan. Sol mezette poıyz qozǵalyp ketip búldirshindi myjyp ketken. Qazir balanyń anasymen psıhologtar jumys istep jatyr.
Atalǵan derekke qatysty qylmystyq is qozǵaldy.
«Bul jerde osy derek boıynsha QRQK 344 babynyń ekinshi bóligimen sotqa deıingi tergep tekserý isi bastaldy. Endi ol jerde kináli tulǵalar bola ma, bolmaı ma, ol kisilerdiń óziniń salǵyrttyǵynan bolyp jatyr ma osy boıynsha tergeý amaldary kezinde bul jaǵdaı anyqtalatyn bolady», deıdi Taraz stansııasy jelilik polısııa bóliminiń bólimshe basshysy Maqsat Dúısenbıev.