Almaty qalasynda jolaýshylar avtobýstarynyń birinde antıfrız qubyry jarylyp, ishtegi jolaýshylarǵa shashyraǵan, dep habarlaıdy Egemen.kz QazAqparat saıtyna silteme jasap.
«Bir naýqas № 4 qalalyq klınıkalyq aýrýhanaǵa jatqyzyldy. Zardap shegýshiniń denesin 3 paıyzyn kúıik shalǵan. Oǵan dárigerler tarapynan alǵashqy kómek kórsetilip, usynystar berildi. Ári qaraı onyń jaǵdaıyn turǵylyqty jeri boıynsha tıisti emhana baqylaıdy. Ekinshi naýqas aýrýhanaǵa jatýdan bas tartty», dep habarlady qalalyq densaýlyq basqarmasynyń qyzmetkerleri.
Avtobýs «Almatyelektrotrans» tasymaldaýshy kompanııasyna tıesili bolyp shyqty.
«Keshe, tańǵy saǵat 10.00-de №201 marshrýttaǵy avtobýstyń qozǵaltqyshy qyzyp, baılanysty salqyndatqysh júıe buzyldy. Qazir atalǵan fakti boıynsha qyzmettik tergeý júrip jatyr. Avtobýs servıstik qyzmetke kóshirildi», dep jazylǵan kompanııanyń túsindimesinde.