Atyraý qalalyq ákimdigi baspasóz qyzmetiniń aqparatyna qaraǵanda, 12 monıtorıngtik top kún saıyn adamdar kóp jınalatyn meıramhanalar men dámhanalardy tekseredi, dep jazady Egemen.kz.
«Monıtorıngtik toptar sońǵy úsh kúnde 100-den astam orynǵa tekserý júrgizdi. Nátıjesinde «Royal Hall», «Imperator» meıramhanalary men «Café inn», «Foodline», «Ginza», «Aqqaıyn» kafelerinde, «Sky» bary, «Wine Time», «Donerstan», «Neft street food» tamaqtaný oryndary men «BR-2» serýendeý kemesinde karantındik shekteýler buzylǵany anyqtaldy. Al, Almaly aýyldyq okrýginde 50-den astam adamnyń qatysýymen ótip jatqan otbasylyq is-shara toqtatyldy» dep habarlady ákimdiktiń baspasóz qyzmeti.