Nur-Sultanda «Iphone tabý» qosymshasynyń kómegimen telefon urlaǵan qaraqshylar ustaldy, dep habarlaıdy Egemen.kz qalalyq polısııa departamentiniń baspasóz qyzmetine silteme jasap.
Quqyq qorǵaý organdarynyń málimetinshe, túnde 19 jastaǵy elordalyq habarlasyp, belgisiz bireýler quny 230 myń teńge turatyn iPhone 7 telefonyn urlap ketkenin aıtqan.
«Jas jigittiń aıtýynsha, ol kezdesýden keıin úıine bara jatqan kezinde oǵan Kravsov kóshesindegi zırattyń janynda eki jigit jaqyndap, qaltasynan uıaly telefonyn shyǵarýdy talap etti. Jigit bas tartqannan keıin olar ony uryp-soǵyp, telefonyn, qulaqqaptaryn alyp, qashyp ketken.
Mobıldi qosymshanyń arqasynda telefonnyń ornalasqan jerin anyqtaýǵa bolady. Osylaısha, kúdiktiler ustalyp, polısııa departamentiniń ýaqytsha ustaý ızolıatoryna qamaldy», dep habarlady vedomstvodan.
Smartfon tárkilenip, ıesine qaıtaryldy. Polısııa qyzmetkerleri qylmystyq is qozǵap, ustalǵandardyń qala aýmaǵyndaǵy uqsas qylmystarǵa qatystylyǵyn anyqtaýda.