London Olımpıadasynyń chempıony Aleksandr Vınokýrov «Astana» velokomandasyna oralǵany týraly pikir bildirdi, dep habarlaıdy Egemen.kz.
Búgin Vınokýrov sporttyq komanda jetekshisi qyzmetine qaıta oralatyny belgili boldy. Vınokýrov shabandozdar men jeke quramdy, sondaı-aq jobanyń barlyq sporttyq is-sharalary fýnksııasyn óz moınyna alady.
«Bári jaqsy. Jumysty bastaımyz. Kóp ýaqyt joǵalǵanyna qaramastan, bolashaqqa úmitpen jáne optımızmmen qaraımyz», dedi Aleksandr Vınokýrov.
Aıta keteıik, maýsymda «Astananyń» basqarýshy dırektory Iаna Zel Vınokýrovtyń ketetinin málimdegen bolatyn. Bul jańalyq sport salasynda narazylyq týdyrdy, al Olımpıada chempıonynyń ózi tańǵalǵanyn moıyndady. Endi Vınokýrov qaıtadan velokomandany basqarady. Sondaı-aq Vınokýrov Qazaqstan velosport federasııasynyń vıse-prezıdenti.