Densaýlyq saqtaý mınıstrligi vaksına pasportyn satyp alǵandarǵa raqymshylyq jasaý máselesin talqylap jatyr. Bul týraly Almaty qalalyq qoǵamdyq densaýlyq saqtaý basqarmasynyń basshysy Narıman Tabynbaev málimdedi, dep habarlaıdy Egemen.kz.
«Densaýlyq saqtaý mınıstrliginde jalǵan vaksına pasportyn satyp alǵandarǵa raqymshylyq jasaý máselesi kóterilip jatyr. Qazir jobada. Biz olardyń memleketke qanshalyqty zııan keltirgenin túsinemiz. Sondyqtan bul máseleni jeńildetilgen tártippen qaraýǵa bolmaıdy. Vaksına alǵany týraly pasportty satyp alǵan adamdar endi ekpe ala almaıdy, sebebi málimetter bazasynda vaksına saldyrǵandar qatarynda tur. Sondyqtan bul másele áli de qaralyp jatyr», dedi Narıman Tabynbaev О́ńirlik kommýnıkasııalar qyzmetinde ótken brıfıngte.
Buǵan deıin habarlanǵandaı, Qazaqstanda jalǵan vaksına pasportyn satý boıynsha 60-tan astam qylmystyq is qozǵalǵan.
Jalǵan vaksınasııa qujatyn satyp alǵandarǵa raqymshylyq jasaýdy «El úshin egilemin» pandemııaǵa qarsy azamattyq shtaby usyndy.