Qazaqstan áskerı nysandardyń dıversııaǵa qarsy qaýipsizdigin kúsheıtti. Bul týraly QR QK BSh Strategııalyq josparlaý departamenti basqarmasynyń bastyǵy polkovnık Dáýren Abdýllın málim etti, dep habarlaıdy Egemen.kz QazAqparat-qa silteme jasap.
«Daǵdarystyq jaǵdaı týyndaǵan kezde kezekshilik kúshter men quraldardyń is-qımyldarynyń tártibi naqtylanyp, jattyǵýlar ótkizildi. Birlesken yqtımal is-qımyldardy uıymdastyrý úshin memlekettik organdar basqa da áskerler, áskerı qurylymdar arasynda ózara jumys uıymdastyryldy», dedi ol.
Basqarma bastyǵynyń aıtýynsha, áýe keńistigin qorǵaý qyzmet atqaratyn kúshter men áýe shabýylyna qarsy maıdan jáne avıasııa quramy ulǵaıtyldy.
«Áskerı nysandardyń dıversııaǵa qarsy qaýipsizdigi kúsheıtilip, qoımalar men arsenaldardy kúzetý úshin qosymsha jasaqtar bólindi. Arnaıy operasııalar men áskerı kólik-avıasııa kúshteriniń bólimsheleri kúsheıtilgen jumys rejımine aýystyryldy. Qarýly kúshterdiń memlekettik shekarany qorǵaýdy kúsheıtý jónindegi is-qımyl josparlary naqtylandy», dedi Dáýren Abdýllın.