Almatyda koronavırýs juqtyrǵan 6 074 naýqas aýrýhanada jatyr. Bul týraly qalalyq Qoǵamdyq densaýlyq basqarmasy málim etti, dep habarlaıdy Egemen.kz.
«Infeksııalyq stasıonarlarda 6 074 adam bar (tósek-orynnyń jalpy sany – 8 910), onyń ishinde 188 bala emdelýde», dep naqtylady Qoǵamdyq densaýlyq basqarmasynyń baspasóz qyzmeti.
Stasıonardyń reanımasııa jáne qarqyndy terapııa bóliminde 434 adam jatyr. Al 65 naýqas jasandy tynys alý apparatyna qosylǵan. Invazıvti emes jasandy tynys alý apparatynda 188 adam em qabyldaýdy jalǵastyrýda.
High flow-da 194 apparat jumys isteıdi. Medısınalyq-sanıtarııalyq alǵashqy kómek mobıldi brıgadalarynyń jáne telemedısına ortalyǵynyń ambýlatorııalyq baqylaýynda 13 532 pasıent bar. Onyń ishinde indet belgileri bar, ortasha aýyr jaǵdaıda – 12 988 naýqas. 543 adamda koronavırýs belgileri joq.