«Olımp» jeke zerthanalar jelisinde Qazaqstanda vaksına alǵan 4 myń adamnyń ımmýndyq júıesi tekserildi. Bul týraly kompanııanyń baspasóz habarlamasynda aıtylǵan, dep habarlaıdy Egemen.kz Tengrinews.kz-ke silteme jasap.
2021 jyldyń maýsymynan, tamyzdyń ortasyna deıin 3998 adam koronavırýsqa qarsy vaksına alǵannan keıingi antıdenelerdi anyqtaý úshin test tapsyrdy. Tekserilgender koronavırýsqa qarsy 10 túrli vaksına saldyrǵan, olardyń ishinde eń kóp salynǵany: Spýtnık V, Hayat-Vax, CoronaVac, QazVac jáne Pfizer.
Zerthanalar jelisi alynǵan málimetti vaksınalardyń tıimdiligin baǵalaý úshin qoldanýǵa bolmaıtynyn, óıtkeni tolyq klınıkalyq zertteý júrgizilmegenin aıtty. Bul zerthanalyq taldaý nátıjeleri, pasıentter vaksına alǵannan keıin koronavırýsqa antıdeneler paıda bolǵanyn tekserý úshin tapsyrady.
«Zertteý nátıjeleri boıynsha Koronavırýsqa qarsy antıdeneler «Spýtnık V» vaksınasyn alǵandardyń 95 paıyzynda, Hayat-Vax vaksınasyn alǵandardyń 79 paıyzynda, CoronaVac ımmýnızasııalanǵandardyń 89 paıyzynda, QazVac vaksınasyn alǵandardyń 90 paıyzynda, Pfizer vaksınasyn alǵandardyń 100 paıyzynda anyqtaldy», dedi klınıkalyq-dıagnostıkalyq zerthanalardyń bas dırektory Erlan Súleımenov.
Sondaı-aq vaksınadan keıingi antıdeneler AstraZeneca, Moderna, Johnson & Johnson, Sinopharm (Vero Cell) vaksınalarynyń 100 paıyzynda jáne KovıVak vaksınalarynyń 75 paıyzynda bary belgili boldy.
Naýqastyń qan sarysýynda koronavırýstyń S aqýyzyna antıdenelerdi anyqtaý vaksınasııa nátıjesinde ımmýndyq qorǵanys bar ekenin kórsetedi. Immýndyq jaýap tómendetilgen tulǵalarda antıdenelerdiń bolmaýy jáne ımmýnıtettiń jasýshalyq býyny iske qosylǵan jaǵdaıda bolýy múmkin, onyń zerthanalyq dıagnostıkasy Qazaqstanda ázirge joq.
Vaksınadan keıingi antıdenelerge taldaýdy vaksınanyń ekinshi dozasyn alǵasyn úsh aptadan keıin tapsyrý kerek.