16 tamyzda «Global Stroy Astana» JShS-nyń 20 shaqty qosalqy merdigeri osymen úshinshi ret oblys ákimdigi ǵımaratynyń aldyna jınalyp, jumys úshin tólemegen aqshany talap etti. Bul sharýashylyqqa qatysty daý jergilikti bılikti alańdata bastady, dep habarlaıdy, Egemen.kz azh.kz-ke silteme jasap.
Bul joly kompanııa basshysy Nurlan Mazǵalı Atyraýǵa kelgenimen, bul daýdy retteýge tyrysqan oblys ákiminiń orynbasary Qaırat Bekenov ornynda bolmady. Jınalǵandarǵa onyń qazir issaparda ekenin aıtty.
Nurlan Mazǵalı bul máseleni aldymen bas merdiger «Gaz stroy montazh KZ» men merdiger «Aral Servıs» kompanııasymen sheshý kerek dep jaýap berdi. Bas merdiger «Gaz stroy montazh KZ» JShS Atyraý fılıalynyń basshysy Batyr Ibraev, óz kezeginde, aldymen «Qulsary-Teńiz sý qubyrynyń qurylysy» jobasynda týyndaǵan túsinbestikti anyqtaý kerek ekenin aıtty. О́ıtkeni ol jerde bir ýaqytta eki merdiger qatar bolǵan jáne is júzinde jumysty naqty kim oryndaǵany túsiniksiz. Qazir bul másele ekonomıkalyq sotta qarastyrylýda.