Pavlodarda áıelin órtep jibergen aýyl turǵyny qamaýǵa alyndy, dep habarlaıdy Egemen.kz.
8 tamyz kúni saǵat 02:00 shamasynda Rozovka aýylyndaǵy erli-zaıyptylar arasynda janjal shyqqan. Kúıeýi mas kúıinde kóligimen ketýge tyrysqanda áıeli ony toqtatpaq bolǵan. Janjal barysynda kúıeýi tońazytqyshtan spırt alyp jubaıyna quıyp, ot jaǵyp jibergen.
Jábirlengenine qaramastan, áıel kúıeýiniń ústinen aryz jazýdan bas tartqan. Alaıda, quqyq qorǵaý organdary arnaıy bap boıynsha (densaýlyqqa qasaqana aýyrlyǵy ortasha zııan keltirgeni úshin) boıynsha sotqa deıingi tergeýdi bastady.17 tamyzda denesiniń basym bóligi kúıgen áıel aýrýhanada kóz jumdy. Olardyń ortaq úsh balasy bar. Qazir olar atasy men ájesiniń qolynda.
Bul jaǵdaıǵa qatysty sotqa deıingi tergeý QR Qylmystyq kodeksiniń 106-baby 3-bóligine sáıkes qaıta saralanyp, kúdikti ýaqytsha ustaý ızolıatoryna qamaldy.