Túrkııa Respýblıkasyndaǵy tabıǵı órtterdi sóndirýge attanǵan QR Tótenshe jaǵdaılar mınıstrliginiń qutqarýshylary óz mıssııasyn sátti aıaqtady, dep habarlaıdy Egemen.kz.
Orman alqabyna jaıylǵan órtti sóndirý úshin qazaqstandyq qutqarýshylar 8 táýlik boıy aýqymdy jumys atqardy. 16 qutqarýshy men eki tikushaqtan quralǵan arnaıy top jalpy kólemi 300 tonnadaı bolatyn 80 sıkldy sý shashty. 18 tamyzdaǵy jaǵdaı boıynsha bekitilgen aýmaqta órt tolyq sóndirilgen.
QR TJM arnaıy tobynyń jeke quramy olardyń aldyna qoıylǵan mindetterdi tolyq kólemde oryndady jáne búgingi kúni qazaqstandyq ekıpaj uzaq qashyqtyqta ushýǵa daıyndalýda. 20 tamyz kúni Túrkııa ýaqyty boıynsha tańǵy saǵat 06:00-de Dalaman qalasynyń ákimdigi jáne Túrkııa Respýblıkasy Aýyl jáne orman sharýashylyǵy mınıstrliginiń ókilderi qazaqstandyq qutqarýshylardy shyǵaryp salady dep josparlanǵan.