Bilim jáne ǵylym mınıstrligi barlyq ǵylymı jumystar saqtalatyn biryńǵaı málimetter bazasyn ázirleıdi, dep habarlaıdy Egemen.kz.
«Bizde akademııalyq jumystardyń repozıtorııi bolady. Barlyq esse, dıssertasııa, magıstrlik, doktorlyq, kýrstyq jumystar budan bylaı ǵylymı jumystardyń bir repozıtorııi arqyly tekseriletin bolady. Bul atalǵan jumysty ekinshi ret jazýǵa múmkindik bermeıdi. Kelesi jyly daıyn bolady. Bul stýdentter men ǵylymı óristiń akademııalyq adaldyǵyn qamtamasyz etýdegi taǵy bir úlken qadam», dedi Bilim jáne ǵylym mınıstri Ashat Aımaǵambetov.
Sonymen qatar doktorlyq dıssertasııa qorǵaýy tikeleı efırde kórsetiledi.
«2021 jyldan bastap qorǵalǵan barlyq dıssertasııa ýnıversıtettiń ózi men Ulttyq saraptama ortalyǵynyń saıtynda kópshilikke qol jetimdi bolady. Endi dıssertasııalyq keńes qorǵaý nátıjeleri boıynsha tórt túrli sheshim shyǵarýy múmkin: marapattaý nemese bermeý, qaıta qorǵaýǵa nemese qaıta qaraýǵa jiberińiz», dep túsindirdi mınıstr.