Taraz qalasynda bos turǵan kópqabatty turǵyn úı ǵımaraty órtendi, dep habarlaıdy Egemen.kz.
Jambyl oblysy Tótenshe jaǵdaılar departamentiniń habarlaýynsha, jedel basqarý ortalyǵyna Taraz qalasy, Qapal kóshesiniń 4-shi burylysynda ornalasqan bos turǵan ǵımarattyń órtengeni týraly habarlama túsken.
Oqıǵa ornyna Taraz qalalyq órtke qarsy qyzmet garnızonynyń kúshteri men quraldary jedel jetti.
«Birinshi bólimshe órt bolǵan aımaqqa shuǵyl jetti. О́rt aýmaǵy 200 sharshy metrdi quraǵan. О́rt sóndirýshiler 46 mınýt ishinde órtti sóndirdi. Zardap shekkender joq. Qazirgi ýaqytta órttiń shyǵý sebebi jáne keltirilgen materıaldyq zalaly anyqtalýda», delingen vedomstvo habarlamasynda.
Jambyl oblysy TJD oblys jáne qala turǵyndarynan balalar men qarttardy úıde qaraýsyz qaldyrmaı, órt qaýipsizdigi erejelerin qatań saqtaý qajettigin eskertedi.