20 tamyzda Nur-Sultanda aýyr atletıkadan Tokıodaǵy HHHII Olımpıada oıyndarynyń qola júldegerlerin saltanatty túrde marapattaý rásimi ótti, dep jazady Egemen.kz.
Igor Son men Zýlfııa Chınshanlo Toyota Camry 75 avtokóliginiń kiltin aldy, al olardyń jeke jattyqtyrýshylaryn Qazaqstan aýyr atletıka federasııasynyń prezıdenti Janat Túsipbekov aqshalaı syılyqtarmen qýantty.
Qymbatty Igor men Zýlfııa! Biz sizdermen maqtanamyz. Olımpıada oıyndaryna qatysý - árbir sportshy men jattyqtyrýshynyń maqsaty, al Olımpıada medali - arman, sporttyq jetistikterdiń shyńy. Sizdiń jeńisterińiz qazaqstandyqtardy, bárimizdi qýantty, bul jetistik myńdaǵan balalardy óz maqsattaryna jetýge jáne jeńimpaz bolýǵa shabyttandyrady. Biz tarıh betin burdyq, jattyǵý úderisin jańasha qura aldyq jáne bul «taza» jeńister bárimiz úshin altyn salmaqqa ıe! Sportshylarymyzdyń, jattyqtyrýshylardyń atynan Federasııa atynan Qazaqstan Respýblıkasynyń Úkimetine, Ulttyq Olımpıada komıtetine, oblys ákimdikterine, demeýshilerge aýyr atletıkany damytýǵa kórsetken kómegi men qoldaýy úshin alǵysymdy bildiremin. Alǵa, Qazaqstan! - dedi J.Túsipbekov quttyqtaý sózinde.
Esterińizge sala keteıik, Igor Son 61 kelide, Zýlfııa Chınshanlo 55 kelige deıingi salmaqta qola medaldi qanjyǵalaǵan bolatyn.