Bul týraly QR saýda jáne ıntegrasııa mınıstri Baqyt Sultanov málimdedi, dep jazady Egemen.kz.
«Biz Qyrǵyzstanmen birlesken ındýstrııalyq saýda-logıstıkalyq keshenderdi iske asyrýǵa kirisemiz. Áriptesimiz – Qyrǵyz Respýblıkasynyń vıse-premeri - ekonomıka jáne qarjy mınıstri Aqylbek Japarov ekeýmiz memleketterimizdiń úkimet basshylarynyń qatysýymen keshenderdi qurý jáne olardyń jumys isteýi jónindegi Tujyrymdamaǵa qol qoıdyq», dedi Baqyt Sultanov.
Habtardy «Qarasý» shekaralyq ótkizý pýnkti mańyndaǵy shekara ýchaskesinde oqshaýlaý usynyldy. Bul Qyrǵyzstannan soltústikke (Qazaqstan, Reseı, Qytaı Halyq Respýblıkasy) taýar tasymaldaıtyn eń «tanymal» tranzıttik núktelerdiń biri: bul ótkel «Almaty-Bishkek» halyqaralyq baǵytynyń jolynda ornalasqan jáne avtomagıstral Batys-Shyǵys (Batys Eýropa – Batys Qytaı) kóliktik ekonomıkalyq dálizine qosylady. Jedel josparlardy júzege asyrý úshin «Qarasý» - dyń ótkizý qabileti keńeıtiledi.
Indýstrııalyq habtar alańynda ónerkásiptik kooperasııa jobalary iske qosylady. Bul rette halyq tutynatyn qazaq-qyrǵyz ónimderi men birge Indýstrııalyq Saýda-logıstıkalyq Keshender aýmaǵyna sheteldik kapıtal men tehnologııalar da tartylady.
Bul kelisimshart joǵary tehnologııalyq óndiristik tizbekterge ornyǵyp, úshinshi elderdiń naryqtaryna birlesip shyǵýǵa múmkindik beredi.
Indýstrııalyq habtar Eýrazııanyń taýar ótkizý júıesiniń bir bóligine aınalady jáne fermerlik ónimder úshin tartylys núktesi bolady. Sonymen qatar keıinnen eksporttalatyn partııalardy jınaqtaý jáne nyǵaıtý orny, sonymen qatar tamaq ónerkásibiniń daıyn ónimderin óńdeý jáne shyǵarý orny bolady dep kútilýde.
«Kórshilermen ónerkásiptik kooperasııany is júzinde júzege asyrý jolyndaǵy alǵashqy qadam jasaldy. Indýstrııalyq Saýda-Logıstıkalyq keshenderi lokasııasyn bekitýmen qatar biz qarjylyq sıpattaǵy máselelerdi, onyń ishinde hab aýmaǵynda taýarlar óndirisin jeńildikpen kredıtteý múmkindigin pysyqtaýdy bastaımyz», dedi mınıstr.