Memleket basshysy Qasym-Jomart Toqaev belgili jazýshy, qoǵam qaıratkeri Sultan Orazalınniń otbasy men jaqyn týystaryna kóńil aıtty. Bul týraly Prezıdenttiń baspasóz hatshysy berik Ýálı jazdy, dep habarlaıdy Egemen.kz.
«Belgili jazýshy, Qazaqstannyń eńbek sińirgen qaıratkeri, Qazaq televızııasynyń qurmetti ardageri, Halyqaralyq televızııa jáne radıo akademııasynyń akademıgi Sultan Orazalınniń dúnıeden ótýine baılanysty kóńil aıtamyn.
Sultan Sháripuly otandyq telearnada jemisti jumys jasap, ulttyq qundylyqtardyń qaıta jańǵyryp, kógildir ekranda nasıhattalýyna mol úles qosty. Saıası-ákimshilik qyzmetti de abyroıly atqardy. Avtorlyq quqyq, memlekettik tildiń mártebesin arttyrý, ulttyq saıasat, termınologııa men onomastıka máselelerin kóterip, kókeıkesti oılary men utymdy bastamalaryn qoǵam nazaryna usyndy. Qarymdy qalamger retinde shyǵarmashylyq jolda da tabysty eńbek etti.
О́negeli ǵumyr keship, sońyna ádebı mol mura qaldyrǵan Sultan Sháripulynyń jarqyn beınesi umytylmaıdy.
Marqumnyń ımany salamat, jany jánnatta bolsyn», dep jazylǵan Prezıdenttiń jedelhatynda.