Shyǵys Qazaqstan oblysynyń polıseıleri vaksınalaý pasportyn zańsyz daıyndaý jáne satýmen aınalysqan bir top adamdy ustady, dep habarlaıdy Egemen.kz.
Tártip saqshylarynyń nazaryna О́skemen qalasyndaǵy emhanalardyń birinde isteıtin eki dárigeri men úsh azamat ilikken. Olar aqshalaı syıaqy úshin jekelegen azamattarǵa vaksınasııalaý prosedýrasyn ótpesten qyzmet kórsetip otyrǵan. Derekter bazasynda resmı tirkelgen bul medısınalyq qujat úshin azamattar deldaldarǵa 20 myń teńge jáne jeke kýálikteriniń kóshirmesin usynyp otyrǵan. Medısınalyq mekemege barýdyń tipti qajettiligi bolmaǵan.
Deldaldardyń árqaısy ózine 2-3 myń teńgeden qaldyryp, al odan ári olardyń negizgi bóligi dárigerlerge «joldanyp» otyrǵan. Tergeý qazir bul shema qaı ýaqyttan beri jumys istep jatqanyn jáne qansha adam vaksınalaý pasportyn jalǵan jolmen alǵanyn anyqtap jatyr.
Medısına qyzmetkerleriniń aıtýynsha «vaksınalaý pasporttaryn» osyndaı resmı ádispen tek 20 azamatqa ǵana jasadyq dep málimdegen, alaıda tergeý organynyń pikirinshe, bul san áldeqaıda kóp bolýy múmkin.
«QR Qylmystyq kodeksiniń 385-baby boıynsha júzege asyrylatyn sotqa deıingi tergeý sheńberinde medısına qyzmetkerleriniń jáne olarǵa kómek kórsetken tulǵalardyń is-áreketterine tıisti prosessýaldy baǵa beriletin bolady. Qazirgi ýaqytta tergeý amaldary jalǵasýda, vaksınalaý pasportynyń málimetterin osyndaı jalǵan jáne zańsyz jolmen alǵan barlyq azamattar anyqtalyp, olardan jaýap alynýda», dedi ShQO Polısııa departamentiniń bastyǵynyń orynbasary Talǵat Shaıahmetov.