2021 jylǵy 1-5 qyrkúıek aralyǵynda Qaraǵandy qalasynda órt sóndirý-qutqarý sporty boıynsha erler arasynda XVI álem chempıonaty jáne áıelder arasynda VII álem chempıonaty ótedi, dep habarlaıdy Egemen.kz QR TJM baspasóz qyzmetine silteme jasap.
Chempıonatqa Qazaqstan, Belarýs, Slovakııa, Polsha, Senegal, Chehııa, Reseı, О́zbekstan, Monǵolııa, Avstrııa elderinen 10 erler men 5 áıelder komandasy, sondaı-aq Katar, Bolgarııa jáne Serbııadan kelgen delegattar qatysady.
О́rt sóndirýshiler men qutqarýshylardyń komandalary oqý munarasynyń tórtinshi qabatynyń terezesine shabýyl satysymen kóterilýden, 100 metrlik kedergiler jolaǵynan ótýden, jaýyngerlik qanat jaıýdan jáne 4-ten 100 metrge deıingi órt estafetasynan synǵa túsedi.
Álem chempıonatynyń resmı ashylý saltanaty 2021 jylǵy 2 qyrkúıekte saǵat 19:00-de Qaraǵandy qalasynyń «Shahter» ortalyq stadıonynda ótedi. О́rt sóndirý-qutqarý sporty boıynsha álem chempıonattaryn ótkizý álemniń túrli elderiniń sport uıymdary arasynda sport salasyndaǵy dostyq baılanystar men yntymaqtastyqty nyǵaıtýǵa, órt sóndirý-qutqarý qyzmeti qyzmetkerleri men jumyskerleriniń kásibı jáne jaýyngerlik daıarlyǵyn, sporttyq sheberligin jetildirýge, álemdik aýqymda órt sóndirý-qutqarý sportyn odan ári damytýǵa jáne nasıhattaýǵa baǵyttalǵan.