Qazaqstannyń Reseıdegi Elshisi Ermek Kósherbaev Reseı ǵylym akademııasynyń (RǴA) prezıdenti akademık Aleksandr Sergeevpen kezdesti, dep jazady Egemen.kz.
Kezdesýde eki eldegi ǵylymdy damytýdyń ózekti máseleleri men ǵylym, joǵary tehnologııalar jáne ınnovasııalar salasyndaǵy yntymaqtastyqtyń damý baǵyttary talqylandy.
«Kóbinese jasandy ıntellekt pen aqparattyq qaýipsizdikti damytýǵa qatysty máseleler qozǵaldy. E. Kósherbaev bul saladaǵy yntymaqtastyq eki eldiń kóshbasshysy Qasym-Jomart Toqaev pen Vladımır Pýtınniń 2020 jyldyń jeltoqsanynda jasandy ıntellekt jáne derekterdi taldaý boıynsha, jasandy ıntellekt saıahatynyń «Artificial Intelligence Journey» onlaın-konferensııasy kezinde jasaǵan málimdemeleri turǵysynan óte mańyzdy ekenin basa aıtty», dep jazady SIM baspasóz qyzmeti.
Kezdesýge qatysýshylar geologııalyq zertteýler salasyndaǵy ózara qyzyǵýshylyqty, irgeli ǵylymdy damytýdyń negizgi baǵyttary týraly ǵylymı málimettermen únemi almasýdy, ekonomıkanyń jáne bıznestiń ár túrli salalaryna ǵylymdy engizýdi, sondaı-aq, jahandyq kıberkeńistikte qabyldanǵan erejeler men mindettemelerdi qabyldaýda yntymaqtastyq qajet ekenin atap ótti.
Taraptar turaqty baılanysty jalǵastyrý týraly kelisimge keldi.
Qyrkúıek aıynyń basynda Vladıvostok qalasynda Shyǵys ekonomıkalyq forýmy bolady.