Qazaqstandyq shahmatshy Bıbisara Asaýbaeva áıelder arasynda Azııa chempıony ataǵyna ıe boldy, dep habarlaıdy Egemen.kz.
Bul týraly jas chempıon óziniń Instagram paraqshasynda habarlady.
«Búgin men áıelder arasynda Azııa chempıony ataǵyn jeńip aldym! Bul meniń alǵashqy mańyzdy ataǵym! Mereke sońy konsertke ulasty! Men bárin jaqsy kóremin», dep Bıbisara qýanyshymen bólisti.
Týrnır 2021 jyldyń 23-25 tamyz aralyǵynda Tornelo oıyn platformasynda ótti. Chempıonatqa Azııanyn 15 elinen 74 oıynshy qatysty, onyń ishinde 9 halyqaralyq áıelder grossmeısteri, 8 halyqaralyq sheberler men 22 áıelder shahmat sheberleri bar.
Osylaısha, Bıbisara 2021 jylǵy 25 qazan men 8 qarasha aralyǵynda Latvııanyń Rıga qalasynda ótetin Fide Women's Grand Swiss 2021 týrnırine joldama aldy. Bul týrnır 2021-2023 álem chempıonatynyń biliktilik sıkline kiredi. Týrnır Shveısarııa júıesi boıynsha 11 týrmen ótedi, oǵan 50 úzdik shahmatshy qatysady.