Dúnıejúzilik densaýlyq saqtaý uıymynyń (DDSU) bas dırektory Tedros Adanom Gebreıesýs kúzde jańa pandemııaǵa daıyndyqty bastaýǵa shaqyrdy, dep habarlaıdy Egemen.kz.
Bul týraly DDSU basshysy Jenevada ótken brıfıngte málimdedi, ony uıymnyń Twitter-degi resmı paraqshasy taratty.
«Kelesi úsh aı, jańa pandemııaǵa daıyndyqty qamtamasyz etý úshin, oǵan qarsy sharalardy uıymdastyrý úshin mańyzdy kezeń bolady», dedi Gebreıesýs.
«DDSU COVID-19-ǵa qarsy vaksınasııamen qatar áleýmettik araqashyqtyqty saqtaý, maska taǵý degen sııaqty sharalardy jalǵastyryp jatyr», dedi ol.
Sondaı-aq, Gebreıesýs álemde COVID-19 taralý deńgeıi óte joǵary ekenin aıtty.
«Álemde kún saıyn COVID-19 juqtyratyndardyń sany turaqtandy. Osyǵan deıin - 4,5 mıllıonnan asa aýrý, 68 myń ólim tirkeldi», dep túsindirdi ol.
«Alaıda, aımaqtan aımaqtyń, elden eldiń, qaladan qalanyń aýrýdy juqtyrýy erekshelenedi. Mysaly, keıbir aımaqtar men elderde COVID-19 juqtyrǵandar men qaıtys bolǵandar sany kún saıyn ósip jatyr. Ázirge bul vırýs barlyq jerde qaýip tóndirip tur», dep tolyqtyrdy Gebreıesýs.