Búgin «Jastar men balalar arasynda Internetke táýeldilik pen qumar oıyndardyń aldyn alý boıynsha sharalar keshenin ázirleý jáne iske asyrý» jobasyn iske asyrý barysy týraly onlaın-baspasóz konferensııasy ótti, dep jazady Egemen.kz.
Konferensııaǵa QR Jastar jáne otbasy isteri komıtetiniń tóraǵasy Shahmardan Baımanov, «Jas Ulan» biryńǵaı balalar men jasóspirimder uıymynyń basshysy Dınara Sádýaqasova, óńirlik jastar uıymdarynyń ókilderi men sarapshylar qatysty.
Spıkerler BAQ pen sarapshylardy ınternet-táýeldiliktiń jáne jastar men balalar arasyndaǵy qumar oıyndardyń aldyn alý salasyndaǵy halyqaralyq zańnamany taldaý boıynsha júrgizilip jatqan jumystar týraly aıtty. Sonymen qatar kıberbýllıng, onlaın-táýeldilikti jáne qumar oıyndarǵa táýeldilikti anyqtaý maqsatynda fokýs-toptardyń kezdesýleri ótkenin málimdedi. Osy maqsatta qurylǵan Telegram-arnalardyń jumysy týraly habardar etti.
Jobany iske asyrý kezeńinde 17 óńirden bir myńnan astam jas ınternet-táýeldiliktiń, kıberbýllıngtiń jáne qumar oıyndarǵa táýeldiliktiń aldyn alý boıynsha oqytýdan ótti.
Joba qorytyndysy boıynsha osy saladaǵy qazaqstandyq zańnamany jetildirý týraly naqty usynystar ázirlenip, taldamalyq baıandama daıyndaý josparlanǵan.
Joba jańalyqtaryn «Jas Ulan» uıymynyń Facebook – ReStart jáne Instagram – restart_social áleýmettik jelilerindegi paraqshalarynan bilýge bolady
Aıta keteıik, joba QR jastaryn qoldaýdyń 2021-2025 jyldarǵa arnalǵan Keshendi jospary aıasynda «Azamattyq bastamalardy qoldaý ortalyǵy» KEAQ qoldaýymen júzege asyp jatyr.